Eusko Jaurlaritzak urtarrilaren 11n neurri berriak zehaztu zituen, horien artean, entrenamenduak eta lehiaketen itzulera baimendu du 100.000 biztanleko 500 kutsatze-kasu baino gutxiago dituzten herrietan.
Neurriek, ordea, kezka ugari sortu dituzte Gipuzkoako futbol taldeen artean. Hala nola, zer gertatzen den itxiera perimetrala ezartzen duten udalerriekin; 21:00ak baino beranduago entrenatzeko ezintasuna instalazioen itxieragatik; Gure Txokoa eta Beti Gazte klub nafarrek eta haien arerioek ezin dutela mugitu foru-erkidegora joateko, etab.
Hori dela eta, Eusko Jaurlaritzari, Gipuzkoako Foru Aldundiari eta Euskadiko Futbol Federazioari argibide osagarriak eskatu dizkie federazioak.
Gainera, datorren ostiralean EAEko hiru lurralde-federazioek bilera bat egingo dutela jakitera eman du, bateratze-lana egiteko eta hurrengo urratsak koordinatzeko. “Prestakuntzarako lagunarteko partidei, lehiaketari berrekiteko aukerari eta txapelketaren formatuari dagokienez, hurrengo egunetan hartuko da erabakia, informazio guztia bildu eta lurralde-federazioekin bilera hori egin ondoren”.
Hala ere, dena ondo bidean, otsailaren7a baino lehen lehiaketarik ez dela izango aurreratu du. “Gure ustez, taldeek egokitzapen-aldi berri bat behar dute, eta, gainera, datozen asteetako osasun-datuen bilakaera erabakigarria izango da futbol-partiden itzulera, lehiaketa mota eta horrek igoerei eta jaitsierei dagokienez eraginik izango duen zehazteko”.