Azken orduko albistea iritsi da gaur goizean Ttakun Kultur Elkartetik. Mari Domingi eta Olentzeroren urteroko ekitaldi ohikorik ez, baina, bizi ditugun garaietara egokitutako ekitaldian izango dira pertsonaia maitagarriak, abenduaren 24an.
Goizean auzo ezberdinetara joango dira herritarrak bisitatzera, eta, eguerdian, berriz, pertsonaia maitagarriei agur beroa emateko aukera izango dute herritarrek. Manuel Lekuona Kultur Etxean izango da, 13:00etatik 13:30era eta bertaratzeko, gonbidapenak eskuratu beharko dituzte interesatuek.
Bihartik aurrera izango da horiek eskuratzeko aukera, kultur etxeko leihatilan bertan eta antolatzaileek jakinarazi dutenez, lau sarrera banatuko dituzte, gehienez, pertsonako.