COVID-19

EAEn 300 positibo berri zenbatu dituzte larunbatean

Eusko Jaurlaritzaren Osasun Sailak eguneratu egin ditu koronabirusari buruzko datuak. Larunbatean, 10.012 test diagnostiko egin zituzten Euskal Autonomia Erkidegoan, eta haietatik 300, positiboak izan ziren. Hori horrela, positibo tasa % 3 da, bezperan baino hiru hamarren gutxiago. Lurraldeka, Gipuzkoan, 112 kasu berri daude; Bizkaian, 126; Araban, 60; eta beste biak EAEtik kanpo bizi diren herritarrak dira. Ospitaleei dagokienez, COVID-19ak eragindako 26 pertsona ospitaleratu zituzten atzo eta ZIUetan 98 gaixo daude. Biharko txostenean jakinaraziko dituzte ostiraletik igandera bitartean bildutako datuen banaketa atalez atal eta udalerriz udalerri.