COVID-19

Erkidegoan 423 positibo berri erregistratu dituzte azken 24 orduetan

Eusko Jaurlaritzaren Osasun Sailak argitaratutako oharraren arabera, ostiralean 12.906 test diagnostiko egin zituzten Euskal Autonomia Erkidegoan, eta haietatik 423 positiboak izan ziren. Alegia, positibo tasa % 3,3 da. Lurraldeka banatuta, Gipuzkoan 138 kutsatze berri erregistratu zituzten, 211, Bizkaian; 71, Araban; eta hiru beste erkidego batzuetako herritarrak dira. Ospitaleen egoerari dagokionez, koronabirusak eragindako 47 pertsona ospitaleratu zituzten atzo eta ZIUetan 100 gaixo daude.