Manuel Lekuona kultur etxea, Lasarte-Oria
Domingik aurten ere ez dute hutsik egingo eta Lasarte-Orian izango dira abenduaren 24an. Aurten, ordea, ezingo da kalejirarik egin eta harrera ekitaldia bakarrik egingo da. Harrera ekitaldi horrek bi berrikuntza nagusi ditu, lekua eta ordua. Manuel Lekuona kultur etxean egingo da, 13:00etan. Urte berezi honetan, Porrotx, Xixuko, Mariteilatuko eta hamaika lagun bilduko dira Manuel Lekuonako oholtzan Olentzero eta Mari Domingiri harrera beroa egitera.
Egoera dela-eta, edukiera mugatuko ekintza izango da. Sarrerak eskuragarri egongo dira Manuel Lekuonako leihatilan abenduaren 22tik aurrera. Herritar bakoitzak gehienez lau sarrera hartu ahalko ditu.