Eskualdean 11 kasu detektatu dituzte astelehenean, abenduak 14. Horietatik erdiak baino gehiago, Lasarte-Orian: sei guztira. Urnietan eta Astigarragan, berriz, bina atzeman dituzte, eta bakarra Andoainen.
Inzidentzia tasetan ia ez da ezer aldatu igandetik astelehenera, grafika honetan ikus daitekeenez:
EAEko hiru lurraldeetan 423 kasu atzeman dituzte, bezperan baino 87 gehiago. Horietatik 147 Gipuzkoan detektatu dituzte. PCR proben eta antigenoen test azkarren positibotasun tasa %4,8ra jaitsi da astelehenean. OME Osasunaren Munduko Erakundearen arabera, pandemia kontrolpean dago portzentaje hori %5ekoa edo baxuagoa bada.
Osakidetzaren zentroetan 355 pertsona daude ospitaleratuta; horietatik 101, ZIU Zainketa Intentsiboen Unitateetan.
