464 positibo berri daude EAEn; horietako 149, Gipuzkoan

Eusko Jaurlaritzaren Osasun Sailak ohar baten bidez jakinarazi duenez, larunbatean,  7.695 test diagnostiko egin zituzten Euskal Autonomia Erkidegoan eta haien bidez 464 positibo antzeman. Hori horrela,  positibo tasa % 6 da, bezperakoa baino 1,2 puntu txikiagoa. Kutsatze berrietatik 149 Gipuzkoan erregistratu dituzte, 216, berriz, Bizkaian, eta 96, Araban. Beste hiruak erkidegotik kanpo bizi diren pertsonak dira. EAEko ospitaleen egoerari dagokienez, COVID-19ak eragindako 32 lagun ospitaleratu zituzten atzo eta ZIUetan 116 gaixo daude.

Ostiraletik astelehenera bitartean batutako datu epidemiologikoak biharko txostenean udalerrika eta atalka aleturik ezagutaraziko dituzte.