209 kutsatze berri daude Gipuzkoan

Eusko Jaurlaritzaren Osasun Sailak koronabirusaren hedapenari buruzko datuak eguneratu berri ditu. Ostiralean, 8.783 test diagnostiko egin zituzten Euskal Autonomia Erkidegoan eta haietatik 636 positiboak izan ziren. Hortaz, positibo tasa % 7,2 da. Atzemandako kutsatze berri horiek lurraldeka honela banatzen dira: Gipuzkoan, 209; Bizkaian, 295; eta Araban, 129. Gainerako hiru kasuak EAEtik kanpo bizi diren herritarrak dira. Ospitaleen egoerari dagokionez, atzo, COVID-19ak eragindako 63 pertsona ospitaleratu zituzten eta 112 gaixo daude ZIUetan.