Gipuzkoan 196 kutsatu berri atzeman dituzte; 520, EAEn

Eusko Jaurlaritzaren Osasun Sailak ostiralean bildutako datuen berri eman du eguerdian. Argitaratutako albistearen arabera, atzo, 520 positibo erregistratu zituzten egindako 8.041 test diagnostikoen bidez, PCR nahiz antigeno proba. Beraz, positibo tasa % 6,5 da. Kutsatze berrien lurraldekako banaketa honakoa da: Gipuzkoan, 196; Bizkaian, 233; Araban, 90; eta bat erkidegotik kanpo bizi den herritarra da. EAEko ospitaleei dagokienez, COVID-19ak eragindako 33 lagun ospitaleratu zituzten atzo eta ZIUetan 130 gaixo daude.