Eusko Jaurlaritzaren Osasun Sailak larunbatean bildutako datuen berri eman du. Atzo, 9.268 test diagnostiko egin zituzten Euskal Autonomia Erkidegoan, eta haietatik, 512 positiboak izan ziren. Hala, positibo tasa % 5,5 da, bezperan baino pixka bat altuagoa (% 5,3). Lurraldeka banatuta, Gipuzkoan 209 atzeman zituzten; Bizkaian, 217; eta Araban, 81. Beste bost kasuak, berriz, EAEtik kanpo bizi diren herritarrak dira. Ospitalei dagokienez, COVID-19ak eragindako 27 lagun ospitaleratu zituzten atzo eta ZIUetan 132 gaixo daude.
Ohi bezala, atalez atal eta herriz herri banatutako asteburuko datuak biharko txostenean ezagutaraziko dituzte.