Beterri-Buruntza eskualdeko udalerrietan kasuak zenbatzen jarraitu dute asteburuan zehar, batzuetan besteetan baino gehiago: Hernanin 21 kutsatze atzeman dituzte ostiraletik igandera; Andoainen eta Lasarte-Orian, hamabosna; Astigarragan, sei; Usurbilen, bost; eta, Urnietan, hiru.
Eskualdeko udalerri gehienek gune gorrian jarraitzen dute, apurka-apurka intzidentzia tasak 500eko mugara gerturatzen ari diren arren. Lasarte-Orian 632,14koa da tasa hori gaur egun. Usurbil gune laranjan dago, eta Urnietak kolorez aldatu du berriro, eremu horira pasata: 290,79 kasu izan ditu azken hamalau egunetan 100.000 biztanleko.
EAEko hiru lurralde historikoetan 499 kasu atzeman dituzte igandean, horietatik 202 Gipuzkoan. Osakidetzaren zentroetan 449 paziente ingresatuta daude koronabirusagatik; ZIU Zainketa Intentsiboen Unitateetan daude horietatik 141.