Milatik gora jarraitzen du kutsatze berrien kopuruak erkidegoan

Eusko Jaurlaritzaren Osasun Sailak eguneratu berri ditu koronabirusaren hedapenari buruzko datuak. Argitaratutako albistearen arabera, larunbatean, 13.077 test diagnostiko egin zituzten Euskal Autonomia Erkidegoan, PCR eta antigeno probak batuta; eta horietatik 1.009 positiboak izan ziren. Hori horrela, positibo tasa % 7,7 da, bezperan baino 1,1 puntu gutxiago. Lurraldeka, Gipuzkoan 431 kutsatze berri erregistratu zituzten; 453, Bizkaian; 116, Araban; eta gainerako bederatziak erkidegotik kanpo bizi diren pertsonak dira. COVID-19ak eragindako 50 pertsona ospitaleratu zituzten atzo eta 146 gaixo daude ZIUetan. Herriz herri eta atalka xehatutako asteburuko datuak biharko txostenen ezagutaraziko dituzte.