Beterri-Buruntza eskualdeko udalerri guztietan eman dute kutsatzeen berri asteartean. 26 positibo detektatu dituzte sei herrietan. Grafika honetan jaso ditugu urria hasi zenetik atzora arteko datuak, udalerriz udalerri:
EAEko hiru lurralde historikoetan 410 kutsatze atzeman zituzten atzo, horietatik 186 Gipuzkoan. 7.466 PCR proba egin zituzten Osakidetzako langileek; posotibo eman zuten horietatik %5,5ek.
263 pertsona ingresatuta daude ospitaleetan koronabirusa dela eta; horietatik 55 ZIU Zainketa Intentsiboko Unitateetan daude oheratuta. R0 edo birusaren oinarrizko birsorkuntza tasa 1,15ekoa izan da urriaren 14an. Indize horren balorea 1 baino handiagoa denez, horrek esan nahi du SARS-CoV-2 birusa hedatze fasean dagoela.