Beterri-Buruntza eskualdeko gainerako herriei dagokienean, Astigarra eta Usurbilen asteazkeneko egoera bere horretan mantendu da, ez baitute baieztapen berririk izan azken 24 orduetan. Hernanin eta Andoianen, berriz, bina positibo hauteman dituzte, eta bat, Andoainen.
Euskal Autonomia Erkidegoan 9.502 PCR proba egin zituzten ostegunean eta %4,8 positiboak izan ziren, alegia, 458 kutsatze berri. Lurraldeka banatuta, 191 Gipuzkoan atzeman zituzten; 199, Bizkaian; eta 61, Araban. Gainerako zazpiak erkidegotik kanpo bizi dira.
Oinarrizko birsorkuntza tasa gaur-gaurkoz 1,04 da. Atzo ospitaleratutako 37 lagunak gehituta, Osakidetzaren sarean COVID-19ak eragindako 237 gaixo daude, horitako 52, ZIUn. Positibo berriak gehien bat 19 eta 64 urte artekoak dira; zehazki, 118 lagun 19-39 urte artekoak dira, eta 181, 40-64 urte artekoak.