URRIAREN 17AN

Euskal Jaia sinbolikoki ospatzeko deia

Euskal Jaian parte hartzen duten zenbait eragilek eta Ttakun KEko Kultura saileko arduradun Xabier Matxainek (erdian) ekitaldia sinbolikoki ospatzera animatzen dituzte herritarrak.

Euskal Jaia ez du ohiko moduan ospatuko Lasarte-Oriak. Parte hartu ohi duten eragileek bilerak egin dituzte, eta hausnartu ostean, erabaki dute ospakizunari buelta bat ematea eta aurtengo ekimena sinbolikoa izatea, COVID-19ak eragindako egoera tarteko. Urriaren 17an, larunbatez, baserritarrez jantzita kalera ateratzera animatzen dituzte herritarrak, eta baita etxeetako balkoiak zein komertzioetako erakusleihoak atontzera.