Ia 400 positibo hauteman dituzte ostiralean erkidegoan, 115, Gipuzkoan

Osakidetzak eta Eusko Jaurlaritzaren Osasun Sailak jakinarazi dutenez, atzo, 8.649 PCR proba egin zituzten Euskal Autonomia Erkidegoan, eta horietako 398k  positibo eman zuten. Kutsatze berri horiek lurraldekako banaketa ondokoa da: 115, Gipuzkoan; 185, Bizkaian; 96, Araban; eta gainerako biak erkidegotik kanpo bizi diren herritarrak dira. Ospitaleen egoerari dagokionez, COVID-19ak eragindako 27 pertsona ospitaleratu zituzten atzo, eta 49 gaixo daude ZIUn. Ohi bezala, asteburuetan ez dituzte datuak herriz herri edo atalka aletzen, datu xeheak asteleheneko txosten epidemiologikoan ezagutaraziko dituzte.