Kukukaren web orrialdean izena eman behar dute aurten eurekin batera ikasi nahi dutenek. COVID-19ak eragindako egoera dela eta, antzerki eta dantza eskola horrek lan egiteko modua aldatu du. Esate baterako, ikasturte honetako kuotak hilabetero kobratuko dituzte. "Gainontzeko aldaketen berri kurtsoa hasterakoan emango diegu ikasleei", adierazi du Kukukak.
Antzerkia, euskal dantza, euskal dantza sorkuntza, dantza garaikidea...eta zirkua larunbat goizetan. Iaz hasitako egitasmoari segida emango dio Kukukak 2020-2021 ikasturtean.
