Abuztu erdialdetik honako joera ez da eten oraindik, eta egunez egun positibo gehiago erregistratzen dira Lasarte-Orian. Irailaren 15ean beste bost, bezperan baino bi gehiago. Kasu gehien atzeman diren hilabetea abuztua izan da, 113rekin, baina badirudi irailak gainditu egingo duela, egungo dinamikarekin jarraituz gero bederen. Grafika honetan konpara ditzakezue abuztu eta iraileko kasuen bilakaerak:
Beterri-Buruntza eskualdeko udalerrietan bezperan positibo gehiago erregistratu dituzte irailaren 15ean, guztira 25. Hauek dira herriz herriko datuak:
- Hernanin, hamabi kasu
- Lasarte-Orian, esan bezala, bost
- Andoainen, lau
- Urnietan, bi
- Astigarragan eta Usurbilen, bana
Kutsatzeek eta PCR probek, gora
EAEko erkidegoetan igo egin da kutsatze kopurua: 459 positibo atzeman dituzte azken 24 orduetan, horietatik 166 Gipuzkoan. Asteartean bezperan baino nabarmen PCR proba gehiago egin dituzte, 9.764, irailaren 14an baino %32 gehiago.
Ospitaleetan 315 paziente daude ingresatuta koronabirusak jota, horietatik 56 ZIU Zainketa Intentsiboko Unitateetan. R0 edo birusaren birsortze-tasak jaisten jarraitzen du, eta irailaren 14koa baino hiru hamarren txikiagoa da, 0,86koa. Adierazle horren kopurua bat baino handiagoa izanez gero, esan nahi du SARS-CoV-2 birusa hedatze-fasean dagoela.