Uztailaren 20an 3.682 PCR proba egin dituzte EAEn, eta horietako 90ek eman dute positibo. Hogei kutsatu gipuzkoarrak dira edo lurralde historiko horretan egon dira testa pasatzerakoan. Erdiak, hamar, Eibarren. Ospitaleko ZIU unitateetan bi paziente daude ingresatuta une hauetan, eta atzo beste lau sartu zituzten plantan.
Positibo eman duten pertsona gehienak 10 eta 39 urte artekoak dira, eta asintomatikoak: 54 guztira, atzoko kasuen ia bi heren.
Lasarte-Oriakoak diren pertsona kutsatuen kopuruan aldaketarik ez: 55 herritarri eragin die koronabirusak orain arte, datu ofizialen arabera. Azken bi baieztapenak uztailaren 10ean eta 11n egin zituzten.