LEKUNBERRITIK HERNANIRA

Osteguneko etaparako hitzordua jarri eta jarraibideak eman ditu Lasarte-Oriako Sarek

Dozenaka herritarrek parte hartu zuten 2018ko bizikleta itzulian.

Ostegun honetan hasiko da Sarek antolatutako bizikleta itzuliaren hirugarren edizioa, uztailak 23. 50 kilometroko ibilaldia egingo dute egun horretan, Lekunberritik Hernanira, Nafarroa eta Gipuzkoa batuz. Beterri-Buruntzako herritarrak parte hartzera animatu dituzte eskualdeko Sare taldeek. Lasarte-Oriatik ere bat egingo dute ekimenarekin: 11:00etan geratu dira Okendon ostegunean. "Andoainera joango gara eta Hernaniko bidea elkarrekin egingo dugu".

Parte hartu nahi duten pertsonek maskarak jantzita eraman beharko dituzte uneoro, eta kaskoa ere bai. Horrez gain, Lasarte-Oriako Sarek jakinarazi du norberak bere etxetik ekarri beharko duela peto horia, COVID-19a dela eta aurten ez baitituzte beraiek banatuko. 

Ekimenean parte hartzeko interesa duten herritarrek lasartekosare@gmail.com helbidera idatzi beharko dute, euren izen-abizenak eta telefonoa zeintzuk diren zehaztuz.

 

Gizartea