Texas Lasartearra taldeko kideak izan dira lehenetarikoak. Lehengo astean hasi ziren talde batzuk eta aste honetan, alebinak ere izan dira Michelin Kirol guneko futbol zelaian entrenamenduak egiten.
Segurtasun neurriak jarraituz, entrenatzaileen azalpenak adi entzun eta taldeetan banaturik ariketa ezberdinak egin dituzte.
Ez dira aurki zelaian bakarrak izango. Ostadar SKTko futbol taldeek koordinatzaileak jakitera eman duenez, Ostadarreko taldeak hurrengo asteetan hasiko dute euren jarduna.
Taldeak pozarren daude berriro ere zelaian entrenatu ahal dutelako.