Araban, Bizkaian eta Gipuzkoan 20.963 pertsona kutsatu dira orain arte, Osasun Sailaren datu ofizialen arabera: 7.909 Bizkaian, 3.348 Araban eta 2.315 Gipuzkoan. Horietatik 13.787 negatibizatuak izan dira eta ospitaleko alta jaso dute beste 4.316k. Pertsona bat hil da koronabirusagatik azken 24 orduetan; honezkero 1.613 zendu dira EAEko hiru lurraldeetan. Osatu nahian dabiltzan pazienteetatik sei daude ZIU Zainketa Intentsiboko Unitateetan ingresatuta. R0 edo birsortze-tasa 0,75ekoa da EAEn.
Herriz herri eta eskualdekako datuak
Osasun Sailak aldatu egin du herriz herriko datuak emateko modua: zifrak eguneratzen ditu baldin eta egunean-egunean kasu positibo berri gehiago atzeman edo egiaztatzen badira. Lasarte-Orian kasu positibo berririk ez da erregistratu azken asteetan, eta ekainaren 22ra arteko datuen arabera, 53 pertsonari eragin die koronabirusak.
Beterri-Buruntza eskualdeko herrietan 226 kasu detektatu dituzte ekainaren 29ra arte:
- Hernanin, 66
- Lasarte-Orian, 53
- Andoainen, 48
- Urnietan, 22
- Astigarragan, 21
- Usurbilen, 16