XIX. SORGIN JAIAK

Sorgin Martxa, pijama eta maskarekin

Hasi dira 2020ko Sorgin Jaiak. Festa sinboliko baina koloretsuak. Sorgin Martxa egin dute hainbat gaztek erdigunetik, Andatza plazan hasi eta Okendon amaituz. Antolatzaileen jarraibideei men eginez, maskarak jantzi dituzte eta elkarren arteko distantziak mantendu.

Okendora iristean, txupinazoa egin dute, baina suziria zerurantz jaurti beharrean, nork bere gorputza erabili du: hankak astindu aurrena, izterrak gero, txalo egin gogor eskuekin, eta pum! oihukatu ahoekin. Ondoren, Palmondo Irratiak zuzeneko emisio bat eskaini du Ilargi tabernatik.