Pandemia hasi zenetik, datu ofizialen arabera, EAEko hiru lurraldeetan 20.766 pertsona kutsatu ditu koronabirusak. Azken sei kasu berriak ekainaren 23koak dira, PCR proba bidez atzeman dituztenak. Horietako bat, Gipuzkoan: 2.294 pertsona kutsatu dira lurralde horretan. Araban eta Bizkaian, gehiago: 3.336 eta 7.902, hurrenez hurren. Gaitza pairatu duten pertsonetatik 13.633 negatibizatuak izan dira, eta ospitaleko alta jaso dute 4.292k, ekainaren 22an baino 28 eta bost gehiagok, hurrenez hurren. Hiru pertsona gehiago hil dira koronabirusak jota EAEn; guztira, 1.608.
Herriz herriko datuei erreparatuz gero, aldaketarik ez Lasarte-Orian: ekainaren 15era arteko datu ofizialek diotenez, 53 pertsonari eragin die COVID-19ak gurean. Beterri-Buruntzan, berriz, 224 kasu zenbatu dituzte orain arte, Andoainen bi kasu berri egiaztatu ostean. Eskualdeko herrien datuak, hauek:
- Hernanin, 64 kasu
- Lasarte-Orian, 53
- Andoainen, 48
- Urnietan, 22
- Astigarragan, 21
- Usurbilen, 16