Zeintzuk dira "normaltasun berrian" jarraitu beharreko osasun baldintza orokorrak?
- Pertsonen artean metro eta erdiko distantzia mantendu beharko da. Posible ez den kasuetan, maskara jantzita eraman beharko da derrigorrez.
Ostalaritza eta elkarte gastronomikoak
- Edukiera mugarik ez, baldin eta mahaien artean 1,5 metro baldin badaude gutxienez.
- Lokal barrura sartu ahalko dute bezeroek, baina metro eta erdiko distantzia hori bermatuz beti.
- Buffetak eta koktelak baimenduko dituzte, gehien jota, 25 lagunentzat.
Merkataritza establezimenduak eta herrietako azokak
- Edukiera mugarik ez dago, segurtasun distantzia minimoa errespetatuz gero. Gune komunetan, %60ko edukiera asko jota.
- Kaleko azoketan ezingo dira ohiko postuen %60 baino gehiago jarri. Hori konpentsatze aldera, udalek aukera edukiko dute jarduera hori egiteko espazioaren azalera handitzeko.
- 65 urtetik gorako pertsonei lehentasunezko zerbitzua eskainiko zaie.
Kultur guneak eta aire zabaleko jarduerak
- Aforo maximoaren %60a ezingo da gainditu.
- 1,5 metroko distantzia bermatu beharko da, eta, bestela, maskara jantzita eraman.
- Ikus-entzuleek eserita egon behar dute. Aulkiak aurrez esleituko dira.
- Aire zabaleko ikuskizunetan, edukiera maximoa %60 eta 1.000 ikus-entzule gehienez.
- Erromeriak, musika eta dantza erakustaldiak eta desfile itxurako emanaldi ibiltariak baimenduta daude.
Liburutegiak
- Zerbitzu ugari eskaini ditzake: liburuak mailegatu eta itzuli; aretoan irakurri; ikasteko aretoak erabiltzeko aukera eman; informazio orokorra eman; eta beste hainbat.
- Edukiera maximoa, %60.
- Erabiltzaileek itzultzen duten materialak astebetez bereizita egon beharko du gutxienez.
Jarduera fisikoa, haurrentzako parkeak eta kirol instalazioak
- Bakarka nahiz taldeka egin daiteke kirola, kontaktu fisikorik gabe, 30 lagun baino gehiagokoak ez diren taldeetan.
- Parkeak irekitzea posible izango da, haurrak bertan josta daitezen, distantzia mantenduta.
- Kiroldegietan, edukieraren %60 erabili ahalko da, eta baita aldagela eta dutxak ere, distantzia minimoa mantenduta.
- Federatuak diren kirolek entrenatzen hasi ahalko dute, talde txikietan.
Turismo aktiboa eta naturako ekintzak
- Talde gidatuek 30 lagunekoak izan beharko dute: distantzia mantendu beharko dute, edo maskarak jantzita eraman.
Hotelak eta ostatuak
- Metro eta erdiko distantzia minimoa mantendu behar da.
- Buffetak eta animazio jarduerak, gehienez 25 pertsonako taldeentzat.
Ezkontzak eta beste ospakizun zibil edo erlijioso batzuk
- Ospakizunak egingo diren guneetako osasun neurriak errespetatu beharko dira, gurtza tokietakoak zein ostalaritza guneetakoak.
Beilak eta ehorzketak
- Aire zabalean 65 pertsona, eta 30 espazio itxietan.
- Ehorzketa edo agurrerako segizioetan, gehienez, 75 pertsona.