Covid-19 birusaren hedapenaren datuen eguneraketa egin du Eusko Jaurlaritzako Osasun sailak egunero bezala. Eskainitako datuen arabera, EAEko 214.000 pertsonari egin zaizkie probak pandemiaren hasieratik, hau da, biztanleriaren %10ari egin zaio Covid-19aren probaren bat. 20.448 pertsonek eman dute positibo.
Atzo 3.949 proba egin ziren - 3.465 PCR eta 484 test azkar- eta horietatik, hamahiru PCRk positibo eman zuten eta hamazazpi test azkarrek baieztatu zuten birusa igaro izana. PCRen baiezkoak lurraldeka honela banatu ziren: Gipuzkoan bi, Araban sei eta Bizkaian bost.
Ekainaren hasieratik herrietako daturik berritzen ez denez, Lasarte-Oriako kopurua berdin mantentzen da, 53 kasu positibo.
Datu horiei aurre egiteko, heriotza kopurua eta birusa gainditu duten pertsonen kopurua daude. Covid-19ak eragindako heriotzarik ez zen egon atzo; 23 pertsonek Covida gainditu zuten eta zazpik jaso zuten alta. Horrez gain, ZIUn dauden pertsonen kopuruak ere behera egin du, hamasei pertsona daude gune horretan ospitaleratuak, atzo baino bi gutxiago.