Zortzi positibo berri atzeman dituzte EAEn PCR proba bidez; horietako bat, Gipuzkoan

Txintxarri Aldizkaria 2020ko eka. 15a, 17:03

Ekainaren 14ko datu eguneratuak eskaini ditu Eusko Jaurlaritzaren Osasun Sailak. 20.423 pertsonari eragin die COVID-19ak guztira. Zortzi positibo berri atzeman dituzte PCR test bidez: hiru Araban, lau Bizkaian eta Gipuzkoan bestea. Lasarte-Orian 53 kasu detektatu dituzte ekainaren 8ra arte.

Koronabirusak kutsatutako pertsonetatik 13.379 negatibizatuak izan dira, eta ospitaleko alta jaso dute beste 4.233k. Ekainaren 14ko datu eguneratuen arabera, beste lau pertsona hil dira COVID-19ak jota. EAEko hiru lurraldeetan, 1.596 guztira. ZIU unitatean hemezortzi pertsona daude ospitaleratuta, eta unitate horretan ez, baina beste batean ingresatu dute paziente bat gehiago.