Normaltasun berrira heltzeko azken fasea abian da

Eusko Jaurlaritzak atzo argitaratu zuen 3. fasean indarrean egongo diren baldintzak zehazten dituen Lehendakariaren dekretua. Zenbait muga malguagotu eta baimen berriak dakartza epe berriak. Bi astez egongo dira indarrean, nahiz eta batzuk ekainaren 21a baino lehen moldatu nahi dituela aurreratu duen Eusko Jaurlaritzak. Urkullu lehendakariak berreskuratu egin du «kudeaketa eta arautze gaitasuna» normaltasunera buelta amaitu arte. 

3. Fasearen gakoak:

• Euskal Autonomia Erkidegoa da muga. 
• Edukiera edo parte hartze muga gehienezko kopuruaren % 60 da. 
• Maskara derrigorrezkoa da 2 metroko segurtasun distantzia gorde ezin denean.
• Segurtasun eta higiene neurriak mantendu behar dira. Eskuak maiz garbitu eta sarri ukitzen diren gainazalak ez ukitzea. 
• Erantzukizunez jokatu eta babes neurriak bete. Kontu berezia izan talde zaurgarriekin: adinekoak, haurdun dauden emakumeak eta aurretik gaixotasun kronikoak dituztenak.

ORDUTEGIAK

• Bigarren fasean bezala. 70 urtetik gorakoek eta arrisku taldeek lehentasuna izango dute 10:00-12:00 eta 19:00-20:00 artean. Edonor edonoiz irten daiteke kalera, baina ahal den heinean tarte horiek beraientzat uzteko eskatu dute, pilaketak saihesteko. 

MUGIKORTASUNA

• Euskal Autonomia Erkidegoaren barruan askatasunez mugi daitezke herritarrak.
• Printzipioz, ezingo da beste erkidego batzuetara joan ekainaren 21a arte. Edonola, Urkullu lehendakariak adierazi du epe muga hori aurreratzeko nahia. Ekainaren 15era aurreratzen ahaleginduko da, hala ere, Nafarroa, Errioxa eta Kantabriara bidaiatzeko aukera legoke bakarrik

GARRAIOA

• Garraio zerbitzu publikoek ohiko maiztasuna berreskuratuko dute. 
• % 100eko edukiera bete ahal izango da.
• Maskara nahitaezkoa da.

BILERAK

• 20 pertsona arteko topaketak egin daitezke etxebizitzetan, lokal pribatuetan edo erabilera publikoko guneetan. 

MERKATARITZA

• Saltoki, lokal, azoka txiki, merkataritza zentro eta parkeen gehienezko edukiera % 60 da.
• Merkataritza guneetako atseden eta jolas guneak erabilgarri jar daitezke, muga berarekin.

OSTALARITZA

• Taberna eta jatetxeek barran zerbitzua eman dezakete, bezeroen artean bi metro uztea bada.
• Ostalaritza establezimenduek, zerbitzuek, jatetxeek, txokoek eta elkarte gastronomikoek edukiera mugarik ez dute,  mahai eta mahai multzoen artean bi metroko tartea bermatzen bada.
• Diskotekek eta gaueko aisialdi tabernek itxita jarraituko dute.

TURISMOA

• Turismo aktiboa eta natura jarduerak (mendi ibilaldiak eta antzekoak) askatasunez egin daitezke, 30 lagun arteko taldeetan.
• Hotel eta alojamenduetak gune komunetan gehienezko edukieraren % 60, babes arauak eta bi metroko tartea errespetatuta.

HAURTZAINDEGIAK

• Haurtzaindegiek eta 3 urte arteko haurrentzako haur eskolek zabaltzeko baimena dute, tokiak ahalmenaren edo ohiko gehieneko ratioaren % 60ra mugatuta.

AISIA

• Haurrei eta gazteei bideratutako aisia ekimenak gauza daitezke, ohiko partaide mugaren % 60.
• Atari zabalean badira, gehienez, 200 pertsona, begiraleak barne.
• Eremu itxian badira,  gehienez, 80 lagun, begiraleak barne.
• Batean zein bestean, jarduerak 15 lagun arteko taldeetan, begiraleak barne, antolatuta burutu beharko dituzte.
• Erakunde eskudunek ezarritako arauei jarraitu behar dira. 

HEZKUNTZA

• Aurrez aurreko jarduerari ekingo diote ospitaleko, etxeko eta hezkuntza terapeutikoko hezkuntza arretako lurralde zentroetan.

KULTURA

• Edukieraren % 60 liburutegi, museo, azoka gune eta erakusketa aretoetan.
• Zinemak, antzokiak, auditoriumak, karpapeko zirkuak eta kultura ekimen eta ikuskizunetarako beste establezimendu edo guneak: baimendutako edukieraren % 60 gehienez, eta jarlekuak aurrez esleituta. 80 lagun, gehienez. Artista-taldeei dagokienez, ikuskizunak irauten duen bitartean baimenduta egongo da interpreteen arteko interakzioa.
• Liburutegian baimenduta dago mailegatzea, kontsulak egitea, bertan irakurtzen gelditzea eta ikasketa gelak zabaltzea. Liburutegi arteko maileguak ekainaren 15ean hasiko dira.
• Atari zabaleko kultur ikuskizunetan, baimendutako edukieraren % 60, 1.000 pertsona gehienez, aurrez eserlekua zehaztuta.
• Unibertsitateko hezkuntza eta prestakuntza esparruan, EAEko unibertsitateek aurrez aurreko jarduera akademikoak egin dezakete, jarduera ezin bada beste modu batean egin.

KIROLA

• Gehienezko edukieraren % 60.
• Aldagelen eta dutxen erabilera baimendu dute, pertsonen arteko tartea errespetatuta. Hala ere, Maialen Chourraut kiroldegiari dagokionean, udalak bestelako neurriak zehaztu ditu.
• Taldean entrenatzeko eta kirolarien arteko interakziorako baimena ematen da arraunean, aulki finkokoan eta pilotan, hilaren 20tik aurrera lehiaketen hasiera presta dezaten. 
• Gainerako kiroletan, jokalarien arteko segurtasun tartea mantendu behar da. 

EZKONTZAK

• 150 lagun arte atari zabalean. 75 arte eremu itxian. Bi kasuetan ezingo da edukieraren %75 gainditu.

HILETAK

• 50 pertsona lurperatzeetan eta errausketetan, 25 eremu itxian bada. 

ELIZKIZUNAK

• Mezak % 75eko edukiera arte eta orain arteko neurriekin: maskara gomendagarria, segurtasun tartea gordetzea, lokala desinfektatzea.