Alerta egoeran noski, itxita egon da zentrua baina lehenengo fasea hasi zenetik eta garbitasun neurri guztiak kontutan izanik ateak zabaldu zituzten ilusio handiz, beti ere aurretik ordua hartuta. Estetika, manikura, pedikura, makillajea, aurpegi eta gorputz tratamentuak, solariuma, depilazioak... bezeroarekin kontaktu zuzena dute langileek, horregatik segurtasun berme guztiarekin daude lanean.
Protokolo bat ere ezarri behar izan dute eskuak ondo garbitu hasieran eta ondoren, oinetakoak desinfektatu, musutakoak jantzita uneoro. Ez du batere errazten egoera honetan lan egitea, baina osasuna lehenetsi dute eta horrela jarraituko dute gogo handiz.