Udaltzaingoaren jarduketa baten inguruko idatziari buruz

Txintxarri Aldizkaria 2020ko mai. 29a, 08:00

Joan den astean Lasarte-Oriako Udaltzaingoaren jarduketa baten inguruan zenbait komunikabidetan leporatze batzuk argitaratu ziren. Adierazi nahi dugu idatzi horretan jakitera eman zirenak ez direla zehatzak eta ez datozela bat gertatutakoarekin.

Jarduketa horretan esku hartu genuen agenteok argi utzi nahi dugu uneoro norberaren babes material egokia erabili genuela, Udaltzaingoak ohitura duen legez.  
Idatzian aipatzen den 25 urteko alabaren baimenarekin sartu ginen mezuaren egilearen etxean, inolaz ere ez, pentsatzekoa denez, baimenik gabe.

Azpimarratu nahi dugu elkarrenganako tratua erabat bidezkoa eta gizalegezkoa izan zela bi aldeen partetik. 

Eransteko gehiagorik gabe, ekintza hartan esku hartu zuten agenteak.