Baieztapen berririk ez Beterri-Buruntzan, azken 24 orduetan

Koronabirusak 49 lasarteoriatarri eragin die orain arte. Osakidetzak jakinarazi du ez duela kasu berririk egiaztatu gure herrian azken 24 orduetan, eta Beterri-Buruntzan ere ez. EAEn 38 kasu baieztatu dituzte PCR test bidez –horietatik lau, Gipuzkoan– eta 302 test azkar bidez. 14.986 pertsona sendatu dira honezkero Araban, Bizkaian eta Gipuzkoan; kutsatuen %83.

Datuen eguneraketa egin du Osakidetzak, astearteko datuak bilduta –atzo arratsaldeko 20:00etara artekoak–. EAEn 73 pertsona gehiagok gainditu dute koronabirusa –14.986k orotara, hamar gaixotatik zortzik–. Hamar eritatik bat osatzen ari da oraindik, eta kutsatuen %8 zendu egin da –1.442 pertsona guztira, hamahiru azken 24 orduetan–. 

Kopuru, zifra eta portzentajeak ikuspegi lokalago batetik behatuta, nabarmentzekoa da Lasarte-Orian ez dela Covid-19 kasu berririk egiaztatu azken 24 orduetan, Osakidetzaren txostenaren arabera, eta Beterri-Buruntza eskualdean ere ez. Hauek dira datuak, herriz herri –Tokikomek ondutako grafika hauetan kontsulta daitezke eskualdeko datuak, xeheago–:

  • Hernanin, 55 kasu.
  • Lasarte-Orian, 49.
  • Andoainen, 45.
  • Astigarragan, hogei.
  • Urnietan, hemezortzi.
  • Usurbilen, 11. 

 

 

Erlazionatuak

Koronabirusa zenbakitan: herriz herriko eta eskualdekako datuak

Lasarte-Oria

Covid-19 birusa nola eragiten ari da Lasarte-Orian eta gure eskualdean, Beterri-Buruntzan? Datu eguneratuak eskainiko dizkizugu egunero, Tokikomeki...