Ostiralean bildutako emaitzekin osatutako eguneraketa aurkeztu du eguerdian Eusko Jaurlaritzako Osasun Sailburu Nekane Murgak. Azken 24 orduetan 53 positibo berri atzeman dituzte, bederatzi, Gipuzkoan; hamar, Araban; eta 34, Bizkaian. Horrekin batera, 214 kasu egiaztatu dituzte test azkarrarekin. 267 positibo berri horietako hamaika Beterri-Buruntzakoak dira: Bost, Hernanin; hiru, Astigarragan; eta bana Lasarte-Orian, Urnietan eta Andoainen. Eskualdean metatutako positiboak 193 dira, hala banatuta:
- Hernani: 55
- Lasarte-Oria: 46
- Andoain: 44
- Urnieta: 18
- Astigarraga: 19
- Usurbil: 11
Euskal Autonomia Erkidegoan 17.553 kutsatu egiaztatu dituzte pandemia hasi zenetik. Lurraldeka hala banatu dira eragindakoak: 2.987 kasu, Gipuzkoan; 4.604, Araban eta 9.962, Bizkaian. Horietako, %79,7a osatu da, jada. Hildakoak, aldiz, 1.403 dira, bezperan baino 13 gehiago. Ospitalean, berriz, 401 lagun daude,Gipuzkoan, 83.
