Ostiral goizean, Udaltzaingoaren automobiletako bat bi gurpil zulatuta agertu dela jakinarazi du udalak. Bizi dugun egoera honetan udalaren automobil bat erasotzea bereziki larria" dela azpimarratu dute, "aldi baterako mugitu ezinik" geratu baita.
Agustin Valdivia alkateak elkartasuna adierazi dio Udaltzaingoari, eta azaldu du bizitzen ari garen pandemiaren aurrean, "beharrezkoa" dela ahal diren "langile eta ekipamendu guztiak aktiboan edukitzea, gerta daitezkeen larrialdiei erantzuteko".
Gaineratu du "ez dela onargarria" ondasun publikoei erasotzea, hori egin duenaren "motibazioa edozein dela" ere. Bide batez, bere esker ona adierazi du, alarma-egoera deklaratu zenetik Udaltzaingoa egiten ari den lanagatik.