Magian trebatzeko aukera izango dute bihar Gazteklubeko gaztetxoek

Magiaren munduaz gehiago ikasteko aukera izango dute Lasarte-Oriako gazteek bihar. Gazteklubak saioa antolatu du arratsaldeko 18:00etarako, eta teknologia berriak baliatuz, bideo-dei bidez egingo dute saioa.

Adinka antolatu dituzte saioak, eta baita bideo-deiak egiteko plataformako helbideak ere. LH3 eta LH4ko gaztetxoek  https://meet.jit.si/GazteKlubaLH3-4 helbidea erabili beharko dute. Saioan parte hartzeko karta-sorta bat eta eraztuna prest edukitzea gomendatu dute antolatzaileek. 

LH5 eta LH6koentzat, berriz,  https://meet.jit.si/GazteKlubaLH5-6 helbidea sortu dute, eta bertan parte hartu nahi duten gazteek, hainbat material izan beharko dituzte eskura: papera, txotxa (luzea bada hobe), arkatza, billetea eta karta-sorta.

Antolatzaileek jakinarazi dute ordenagailua, sakelakoa edo tableta erabili daitekeela saioan parte hartzeko helbideetara konektatzeko, eta inork edozein zalantza edota informazioa eskatzeko 695785392 telefono zenbakira idatzi edo deitu dezake.