Atzo eguerdiko hamabietan joan zen Diana Garcia Maite liburudendara, neba-arreba eta aitarekin batera. Sari bat zeukan zain bertan: ipuin eder bat, zorro batean bilduta, bere argazki eta guzti. Pozarren jaso zuen gaztetxoak. Handik ordu erdira joan ziren Ane Jimenez eta bere ama, merezitako saria jasotzera. Biek parte hartu dute Amaraun klubak antolatutako emozioen argazki lehiaketan. Ugaldetarrek ere bai, baina Lasarte-Orian bizi ez direnez, beranduago joango dira ipuinaren bila, Espainiako Gobernuak herri batetik bestera joatea baimentzen duenean.