Koronabirusaren hedapenaren inguruko datuen eguneraketa jakinarazi du Eusko Jaurlaritzaren Osasun Sailak. Atzo 20:00ak arteko datuekin osatu dute gaurko txostena.
Horren arabera, 15.138 kutsatu daude EAEn: 2.667, Gipuzkoan; 8.607, Bizkaian eta 3.864, Araban.
Asteartetik asteazkenera 686 positibo berri izan dira: Gipuzkoan, 153; Bizkaian, 393 eta Araban, 137. Atzoko 20:00ak arteko datuen arabera 19 heriotza berri erregistratu dituzte, eta guztira, 1.274 dira koronabirusak hiru herrialdeetan eragindako heriotzak.
Lasarte-Orian, berriz, kutsatu berri bat erregistratu du Osakidetzak azken 24 ordutan, hortaz, 39 herritar dira COVID-19arekin kutsatuta daudenak.
Atzo 10.662 proba egin ziren guztira.
