Koronabirusaren hedapenaren inguruko datuen eguneraketa jakinarazi berri du Osakidetzak. Atzo 20:00ak arteko datuekin osatu dute gaurko txostena.
Horren arabera, 14.804 kutsatu daude EAEn: 2.629, Gipuzkoan; 8.411, Bizkaian eta 3.764, Araban.
Astelehenetik asteartera 392 positibo berri izan dira: Gipuzkoan, 30; Bizkaian, 222 eta Araban, 140. Atzoko 20:00ak arteko datuen arabera 14 heriotza berri erregistratu dituzte, eta guztira, 1.255 dira koronabirusak hiru herrialdeetan eragindako heriotzak. Orain arte, 9.974 pertsona osatu direla ere jakinarazi dute.
Lasarte-Orian, berriz, kutsatu kopurua atzora arteko bera da gaur. Guztira, 38 lasarteoriatar daude daude COVID-19arekin.
Euskadik, guztira, 85.586 PCR azterketa eta 35.425 test azkar egin dituela jakinarazi du Eusko Jaurlaritzako Osasun Sailak. Atzo, guztira, 6.097 test egin zituzten.
