Egunero bezala, Eusko Jaurlaritzako Osasun Sailak Koronabirusaren hedapenari buruzko datuak jakinarazi ditu. Atzoko 20:00ak arte bildutako datuekin osatu dute txostena gaur ere.
Horren arabera, 11.226 kutsatu daude EAEn: 2.086, Gipuzkoan; 6.085, Bizkaian eta 3.055, Araban.
Astelehenetik asteartera 208 positibo berri izan dira: Gipuzkoan, 35; Bizkaian, 152 eta Araban, 21. Atzoko 20:00ak arteko datuen arabera 28 heriotza berri erregistratu dituzte, eta guztira, 859 dira koronabirusak hiru herrialdeetan eragindako heriotzak. Orain arte, 5.193 pertsona osatu direla ere jakinarazi dute.
Lasarte-Orian, atzora arteko kutsatuen kopurua mantentzen da. Guztira 30 herritar daude COVID-19arekin.
