Aldundiak jakinarazi du harremanetan dagoela Gipuzkoako kirol arloko eragileekin, telematikoki, baloratzeko zenbateraino eragiten ari den Covid-19ak eragindako egoera lurraldeko kirol egitasmoetan. Kirol Zerbitzua eta bulegoak lanean ari direla nabarmendu du, eta telefono zein e-posta bidez ari direla zalantzak eta bestelako kontuak erantzuten. Etenda dago aurrez aurreko zerbitzua.
Gipuzkoako Foru Aldundiak jakinarazi du gutxienez beste bi astez luzatuko duela Eskola Kirola egitasmoaren etenaldia, iragan larunbatean Espainiako Gobernuak onartutako dekretuarekin bat eginez. Diputazioaren esku dauden konpetizio federatuei ere eragiten die erabaki horrek.