Desinfektatzailea etxean nola egin, Saioa Larruskainen eskutik

Saioa Larruskain herritarrak erakusten digu nola egin dezakegun desinfektatzaile bat etxean, koronabirusa saihestu ahal izateko. 

Blog bat dauka Larruskainek: bertan jarrai daitezke desinfektatzailea egiteko jarraibideak. Honela dio:

"Koronabirus- epidemiari aurre egiteko informazio asko daukagu eskuragarri, gehiegi eta modu horretan, askotan ez dakigu ze informazio den egia eta zein ez. Osasun Mundu Erakundeak bere web orriaren bidez informazioa ematen digu. Hemen aurkitu dezakezue, birus honen inguruan suertatzen zaizkigun galderei eta erantzunei buruzko informazioa: Covid-19 informazioa

Gainera, oso garrantzitsua da honako oinarrizko neurri hauek hartzea:
1- Eskuak maiz eta ondo garbitu.
2- Desinfektatzeko disoluzio eraginkor bat erabili.
 
Zer behar dut prestatua egiteko?
Ondoren azalduko dizuedan prestatua gertu iturri bat ez dugunerako oso baliagarria izango zaigu:

Potea: 30ml
- 25  ml alkohol etilikoa (96%-antiseptikoa).
- 1 ml  ur oxigenatua (esporak geldiarazten ditu).
- 0,5 ml Glizerina (hezetasun efektua emango dio).
-  3,5 ml ur destilatua ( edo irakindako ura, hoztu eta gero).

Nola egiten da?
Osagai guztiak pote batean sartu eta gogoratu alkohola segituan lurruntzen dela. Nahiz eta segituan erabiltzea posiblea izan, OME-k 72 ordu beratzen uztea aholkatzen du; modu horretan, ur oxigenatuak potean edota uretan egon daitezkeen esporak kanporatuko ditu".