Lasarte-Oriako kutsatuen kopurua bere horretan mantentzen da

Atzo 20:00etan bildutako datuen arabera, Euskal Autonomia Erkidegoan 324 kasu berri erregistratu dituzte, horietatik 55 Gipuzkoan. Guztira 2421 pertsona daude kutsatuta EAEn, eta Lasarte-Oriako datua bere horretan mantentzen da; lau dira kutsatuak

Egunero bezala, Eusko Jaurlaritzaren Osasun sailak koronabirusaren hedapenari buruzko txostena argitaratu du gaur goizean ere. Bezperako 20:00etan bildutako datuekin osatzen dute txostena. 

Dokumentu horren arabera, 2421 kutsatu daude EAEn: 380, Gipuzkoan; 1032, Bizkaian eta 1009, Araban. Igandetik astelehenera 324 positibo berri izan dira, Gipuzkoan 55. Guztira, 120 dira koronabirusak hiru herrialdeetan eragindako heriotzak. 

Lasarte-Oriari dagokionean, egoera bere horretan mantentzen da; lau herritar daude kutsatuta. 

Donostiako Ospitalean kutsatutako 56 pertsona daude, horietako, 8, Zaintza Intentsiboen Unitatean.