"Koronabirusak eragindako egoeragatik" erabaki dute udalak eta Islada Ezkutatuak taldeak larunbat honetan egitekoa zen aurkezpen ekitaldia bertan behera uztea. "Bertaratzekoak ziren pertsonen ezaugarriak kontuan hartu ditugu". Gonbidatuetako asko adineko pertsonak dira, gaixotasuna hartu eta ondorio larrienak pairatzeko aukera gehien dituzten multzokoak.
Gipuzkoan zortzi kasu antzeman dituzte orain arte, eta pertsona bat zendu da. EAE Euskal Autonomia Erkidegoan, 197 kasu zenbatu dituzte gaur arte. Foku handiena Araban dago oraingoz –153 pertsona gaixotu dira; 51 ospitalean daude–.
TOKIKOMeko hedabide bazkideek koronabirusaren inguruan argitaratu dituzten edukien mapa interaktiboa
