Argazki masiboa eta koloretsua atera zuten hainbat herritarrek larunbat eguerdian, Kale Nagusian. Zubietako erraustegiaren aurka protesta egiteko, ekitaldi hori antolatu zuen Lasarte-Oriako Ernaik. Asteon mobilizazio gehiago egingo ditu gazte antolakundeak: ostegunean, hilak 27, gazte mobilizazioa egingo du 12:00etan, Donostian. Arratsaldean berriz, 19:00etatik aurrera, eskualde mailako manifestazioa egingo dute Lasarte-Orian, Okendo plazatik abiatuta.