Ostadar SKTeko atletismo saileko hainbat gaztetxok parte hartu zuten larunbata arratsaldean Donostiako Antonio Elorza belodromoan jokatu zen jardunaldian. Guztien artean azpimarratzekoak dira Naroa Furundarena, Naroa Elvirak eta Irati Valdiviak lortutako emaitzak.
Elvirak bi domina eskuratu zituen 16 urtez azpiko mailan: urrezkoa jauzi hirukoitzean, 9,99 m. ,eta zilarrezkoa, 300 m. proban, 44''33. Bi probetan gainera, bere marka pertsonala ondu zuen.
Furundarenak, berriz, 20 urtez azpiko mailako txapela jantzi zuen, 200 m. proban, 26''01
Podiumean izan zen Valdivia ere. Brontzezko postua eskuratu zuen 60 m. hesi proban, 10''50.
Inauterietan ere ez dute atsedenik izango Ostadar SKTko atletek. Larunbata arratsaldean eta igande goizean Donostiako Antonio Elorza belodromoan jokatu den maila absolutuko Euskadiko txapelketan parte hartuko dute eta.
Finalean
Gipuzkoako txapelketa ez zen herriko atletek zuten hitzordu bakarra izan. Atletico San Sebastian taldeko Eneritz Busto herritarra 23 urtez azpiko Espainiako txapelketan lehiatu zen.
Salamancan jokatu den lehiaketan, 60 m. hesi proban parte hartu zuen herritarrak eta finalera iritsi zen. Seigarren postu eskuratu zuen Lasarte-Oriako gazteak.