Sailkapenaren taula eskuetan hartuta, Patricio Cocktail Bar izan da erregularrena: hamasei puntu zakuratu ditu. Gertu daude Buenetxea eta Insausti tabernak, hamalauna punturekin. Txapeldunen faserako lau talde sailkatuko dira. Uneotan, Asador Irigoien sartuko litzateke, hamahiru punturekin. Inork ezin du erlaxatu, ordea: sei talde daude lau puntuan. Bigarren itzulia emozioz betea izango da.
Zortzigarren jardunaldiko emaitzak honakoak izan dira: Insausti 8-2 Viña del Mar; Trumoi 2-4 Buenetxea; Avenida 3-1 Garoa; eta Patricio 3-1 Goiko. Asador Irigoienek atseden hartu du. Asteburu honetan, inauteriak tarteko, ez da jokatuko neurketarik Michelin kirol gunean.