Talde federatuetako kideek ez daukate partidarik Eguberrietan, baina baloiak mugimenduan segitzen du. Azkeneko urteetan egin bezala, Eguzki Areto Futbolak Eguberrietako Txapelketa antolatu du. Benjamin, alebin eta infantil mailako talde ugari apuntatu dira kirol ekitaldi horretara, eskolan oporrak dituztela baliatu eta egun atseginak pasatzera.
Ligaxkako neurketak jokatzen ari dira egunotan: finalerdiak datorren asteko asteburuan jokatuko dituzte, eta finalak ere bai. Maialen Chourraut kiroldegian eta Michelingo kirol guneko kantxan ari dira lehian gaztetxoak.
Hauek izan dira asteleheneko jardunaldiko emaitzak:
- Alegria 3-3 Tiburones (benjaminak)
- Joxe Mai Batza 3-2 Los Cracks (benjaminak)
- Lagunak 5-2 Ekintza (alebinak)
- Pantera Txikiak 7-2 Betiko A (alebinak)
- Prest Gaude 6-1 Tigres Con Garrapatas (infantilak)
- Garaitezinak 4-2 The Winners
Gaur ari dira jokatzen bigarren jardunaldia. Eguzkiren Facebook orrialdean jarrai daiteke txapelketak emango duen guztia.