Lierni Rekondo bertsolari lasarteoriatarrak irabazi du VI. Pello Mari Otaño Bertsopaper Lehiaketako sarietako bat. Kausalitateak lana aurkeztu du helduen kategoriara; epaimahaiak ebatzi du bigarren onena izan dela. 250 euroko saria poltsikoratu du herritarrak. Mikel Artola alegiarrak irabazi du lehenengo saria, Zatzaizkidana baldinbanatzaizu lanarekin.
Zizurkilgo Harituz Bertsozale Taldeak –Tolosaldeako Harituz Bertsozale Elkarguneko eskoletako batek– antolatzen du lehiaketa hori. Helduen kategoriaz gain, beste hiru maila daude: gazteena, gaztetxoena eta gelen artekoena.