San Tomas azoka prestatzen hasi da Ttakun Kultur Elkartea. Abenduaren 21ean egingo du, larunbatarekin, arratsaldez. Okendo plazan postuak jartzeko deialdia ireki du: abenduaren 13a izango da eskaera bidaltzeko azken eguna, ostirala.
Kultura saileko arduradun Maitane Rebek aditzera eman duenez, bi baldintza bete beharko dituzte azokan modu horretara parte hartu nahi dutenek: egun berezi horretako giroarekin bat egitea, baserritarrez jantzita; eta bezeroei harrera euskaraz egitea.
Izena eman nahi duten pertsonek mezu bat bidali behar dute kultura@ttakun.eus helbide elektronikora. Zehaztu beharko dituzte elkartearen eta taldearen arduradunaren izenak. Esan bezala, abenduaren 13a izango da azken eguna. Kultura saileko arduraduna ahal bezain pronto jarriko da harremanetan interesa duten guztiekin.
