Emakumeen Zentro Zibikoan jaso ditzakete bandera horiek lasarteoriatarrek. Horrez gain, udalak hainbat banatuko ditu datorren asteko astelehenean, azaroak 25. Elkarretaratzea egingo dute Okendo plazan, 12:00etan. Berdintasun batzordea eta zentro zibikoa elkarrekin ari dira lanean, "sexuen arteko berdintasunaren alde".
Adierazi dute Errespetuz jokatu leloa aukeratu dutela aurten, "indarkeria matxistaren aurkako kultura sortzeko". Azpimarratu dute "gero eta agerikoagoa" dela emakumeen eta gizonen arteko berdintasunaren ikuspegia, baina oraindik "beharrezkoa" dela hainbat kontzeptu barneratzea. Esate baterako, hau: Eskubidea=Errespetua=Askatasuna.