EAJ: "Alkateak kalitatezko botoa erabili du guk proposatutako neurri erraz eta zehatzei ez ekiteko"

Asteleheneko udalbatzarra baloratu du alderdi jeltzaleak. Ez du ulertzen zergatik "blokeatu" duen alkateak "Lasarte-Oriako mugikortasunari buruz neurri zehatzak proposatzen dituen mozio bat".

EAJk azpimarratu du "beste administrazioei zuzendutako eskakizunez beteta" dagoela PSE-EEk aurkeztu duen mozio alternatiboa, barne-mugikortasunari buruzkoa. "Ez dugu ulertzen alkateak inora ez doan zerbait planteatzea: ez du zehazten ekintzarik, eta ez du bideratzen diru-partidarik datorren ikasturterako".

Jeltzaleen iritziz, Jesus Zaballos alkateak ez du erakusten "gai horrekiko interesik". Ohartarazi du "lanean" jarraituko duela, udal gobernuaren jarduna "kontrolatzeko" eta "alkateak onartutako gaien jarraipena" egiteko.